Ku Ba Ku Phail Gai Baat Shanasai Ki

Ku Ba Ku Phail Gai Baat Shanasai Ki
Us Ne Khushbu Ki Tarah Meri Pazirai Ki

Kaise Keh Dun K Mujhe Chor Diya Hai Us Ne
Baat To Sach Hai Magar Baat Hai Ruswai Ki

Wo Kahin Bhi Gaya Lauta To Mere Pas Aaya
Bass Yahi Baat Hai Achi Mere Harjai Ki

Tera Pehlu Tere Dil Ki Tarah Abaad Rahe
Tujh Pe Guzre Na Qayamat Shab-E-Tanhai Ki

Us Ne Jalti Hui Peshani Pe Jo Hath Rakha
Rooh Tak Aa Gai Taasir Masihai Ki

Leave a Reply

Your email address will not be published. Required fields are marked *